50 Jahre Söller

Am 17. Januar 2005 durfte unser Kommandant Peter Schumacher (Söller) seinen 50. Geburtstag feiern. Obwohl er sein ganzes Feuerwehrkader mitsamt ihren Gemahlinnen zu seiner offiziellen Geburtstagsfeier vom Freitag, 21. Januar eingeladen hatte, liessen es sich die Offiziere nicht nehmen, ihn an seinem Geburtstag zu überraschen. So begab sich.....

das Offizierskader mit 2 Einsatzfahrzeugen in die Kommetsrüti wo mit Blaulicht und Sirene unserem Kommandanten ein Happy Birthday gewünscht wurde.

Am Freitagabend war es dann so weit, die geladenen Offiziere mit ihren Angetrauten begaben sich in`s Schützenhaus Wolhusen um den Jubilar gebührend zu feiern.


Im herzlich geschmückten Saal wo zuerst ein Apéro serviert wurde, hatte sich bereits eine 2 Mann Musik aufgestellt und spielte volkstümliche, gefällige Waisen.

Zum Essen hatte sich der Jubilar etwas ganz spezielles ausgedacht. Fondue chinoise à discretion füllte unsere hungrigen Mägen und macht euns fit für den bevorstehenden Abend. Viele der rund 50 geladenen Gäste, Verwandte, Bekannte und Nachbarn hatten eine Darbietung vorbereitet, welche zur grossen Freude vom Jubilar und uns allen aufgeführt wurde. Die Kameraden von der Feuerwehr ihrerseits hatten einen Vers getextet auf der Melodie des vom Kommandanten so sehr geschätzten Finsterwald Liedes.


Söller üse Kommandant............ zum 50. Geburtstag


S`Wolhuser Dörfli dör do get`s gar vell Objekt (Jodel)

Wo`s all Tag z`schötze get es esch scho ganz verreckt (Jodel)

För so ne Uufgab bruchts e guete Füürwehrmaa (Jodel)

Drom Söller schtohsch i üsre Füürwehr z`vorderscht draa.


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major.


Är esch e tolle Typ e Superkamerad (Jodel)

de andre z`häufe dozue esch är sech nie z`schad (Jodel)

seg`s Politik, Bruef oder gar no andri Sache (Jodel)

är get der Rot ond höuft der emmer weder z`lache.


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major.


Är goht ou gärn mou z`Bärg ond suecht det Eierschwömm (Jodel)

Doch jetz, was esch passiert är gseht si plötzlech nömm (Jodel)

es esch de Pager wo of einisch schlot Alarm (Jodel)

ond s`Füürli lösche muess mer doch so lang s`esch warm.


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major


10 Johr esch`s här wo är ou hed Gebortstag gha (Jodel)

e stramme Offizier wo hät är Freud grad dra (Jodel)

e so ne Zollhuus Brand das esch doch grad de s`Bescht (Jodel)

am Morge Füürli lösche ond am Obe Gescht.


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major.


Gar mängs das mues är tue de ganzi Tag ond z`Nacht (Jodel)

S`esch niemer anders do wo sini Arbet macht (Jodel)

Segs Sauze schnüüze ond i wett ou grad druuf wette (Jodel)

Är wörd es vermesstnigs Höndli us de Ämme rette-


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major.


3 höbschi Töchtere hed de Kommandant de ou (Jodel)

ond ned z`vergässe sini rassig cheibe Frou (Jodel)

wo`d no vel lieber hesch als üsi chliini Wehr (jodel)

drom gang doch ändli mol i`d Ferie met as Meer.


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major


So fertig jetzt, jetz hemmer werkli alles gseit (Jodel)

Wärsch vor 6 Johr noch de Prob i`d Wegere abegheit (Jodel)

hät`s chönne si dass Du der hätsch de Haus verheit (Jodel)

wär ou di 50. höt emänd is Wasser gheit


Söller üse Kommandant, besch de gröscht im ganze Land 

ond es chond üs lang scho vor als gäbisch Du de bescht Major


Houptme besch Du nömme lang Du wersch es gseh (Jodel)

das tued üs leid ond der tuet`s secher ou chli weh (jodel)

dass Du das Grad muesch abgäh jetzt ond henecht z`Òbe

Du chansch etz schempfe oder üs sogar ou lobe.


Söller üse Kommandant, besch de gröscht im ganze Land 

Hend di Höchere haut kes Ohr befördere mer Dech zum Major.