40 Jahre Marcel Wangeler

Am Mittwoch, 14.04.2010 feierte unser Offizierskamerad Marcel Wangeler seinen runden 40. Geburtstag. Zu diesem speziellen Anlass stellte das Offizierskader der Feuerwehr Wolhusen geführt vom Kommandanten Peter Schumacher eine Gratulationstafel welche zu diesem schönen Anlass gratuliert.

Der Jubilar hatte das Offizierskader mitsamt den Partnerinnen für den Samstag, 17.04.2010 eingeladen, um im Schützenhaus beim Spital ein paar gemütliche Stunden zu verbringen und miteinander anzustossen.

Diesem „Aufgebot“ wurde natürlich gerne Folge geleistet und so traf man sich zu gegebenem Zeitpunkt um an der Geburtstagsfeier persönlich zu gratulieren. Das eigens für den Jubilar abgeänderte Lied vom Schacher Seppali wurde nach unseren Möglichkeiten         „ stimmgewaltig“ dargeboten. Als Geschenk vom Off Kader durfte unser Zug 1 Chef einen Zustupf an sein neues Velo entgegennehmen. In seiner Ansprache erwähnte Peter Schumacher das Internet und was dieses mit dem Namen unseres Jubilars  der ganzen Welt zugänglich macht. So sind nebst seiner Feuerwehrtätigkeit auch seine Arbeitsstelle und seine beachtlichen Erfolge im Kegelsport erwähnt.

Ein wirklich gemütlicher Abend mit feinem Essen und Trinken bescherte den Anwesenden ein paar fröhliche Stunden, und endete erst als der Sonntag schon längst angebrochen war.

Herzlichen Dank Marcel und allen Deinen fleissigen Helferinnen und Helfern.

40 Jahre Marcel Wangeler

(Melodie „De Schacher Seppali“)

Mer senge höt vo`me jonge Maa, dä wohnt amene tolle Ort,

wenn`s einisch de Alarm set si, chonnt är ganz gwöss ned z`schpot.

Är cha nor zo de Töre uus, muess ned mol öber d`Schtross,

so noch debi am Magazin, das esch scho ganz famoos.

De Erschti besch Du jedesmol, wenn`s Glöggli de ertönt,

dass es Outo esch ab Wäge cho, oder s`Füürli heftig brönnt.

Zum Lösche aber bruucht`s meh Lüüt, so sebe, acht, nüün Maa,

Kamerade chömed, stiiged ii, de Iisatz dä foot a.

De Marcel esch e flotte Cheib, wie n`är im Läbe schtoht,

Interässe hed är gar so vöu, ond s`Härz för d`Bienli schloht.

So schüücht är ned Frontalagreff vom Bienli – Völker – Staat,

zum wehre, ond ou för e Gnoss, es Schtömpli stets parat.

Är esch jo ou so gar mobiu, met Oudi ond no me,

so chammer die flott Famelie im Tessin campe gseh,

ond s`Beschti a de ganze Gschecht, wenn`s einisch brucht es Näscht

de nemm`sch de ganzi Charre met ond fahrsch a`s Schwengerfäscht.

S`Bruuchtom Schwiiz das esch för ehn, de allegröschti Hit,

Schwenge, Chegle ond e Jass wenn`s ändlech eine git.

Nor d`Musig die passt ned dezue, är liebt kei Schwiizer Klang,

deför d`Musig wo vom Schtrom luut sengt, die vom Angus Young.

So Marcel mer wönsche Der, es ganz tolls räschtlechs Fäscht,

es Schtöndli zwöi zom Fröhlech sii, met allne Dine Gescht.

Ond härzlech Dank dass mer hend dörfe, henecht bi der sii,

mer trefft sech emmer weder gärn, doch im Ernstfau ned so glii.